Assyrian

ܩܲܝܘܼܡܵܐ ܕܣܲܠܵܡܲܬܘܼܬܵܐ ܐܸܠܸܟܬܪܘܿܢܵܝܬܵܐ (eSafety) ܝܼܠܹܗ ܡܙܲܪܙܵܢܵܐ ܫܲܪܝܵܐ ܕܫܲܝܢܘܼܬܵܐ ܕܐܘܿܣܬܪܵܠܵܝܵܐ ܥܲܠ ܐܸܢܬܸܪܢܸܬ.

ܐܲܚܢܲܢ ܝܼܘܲܚ ܚܕܵܐ ܘܲܟܝܼܠܘܼܬܵܐ ܕܫܘܼܠܛܵܢܵܐ ܕܐܘܿܣܬܪܵܠܝܵܐ.

eSafety ܟܹܐ ܗܲܝܸܪܵܐ ܕܚܲܡܝܵܐ ܠܗܘܿܢ ܟܠܲܝܗܝ ܐܘܿܣܬܪܵܠܵܝܹܐ ܫܲܝܢܵܝܹܐ ܡܼܢ ܚܘܼܙܕܵܓܹܐ ܕܥܲܠ ܐܸܢܬܸܪܢܸܬ ܘܟܹܐ ܡܲܛܐܸܒܼܵܐ ܐܘܼܪܚܵܬܹܐ ܠܩܢܵܝܵܐ ܢܸܣܝܵܢܹܐ ܒܘܼܫ ܫܲܝܢܵܝܹܐ، ܘܒܘܼܫ ܡܣܝܼܡܵܢܹܐ ܥܲܠ ܐܸܢܬܸܪܢܸܬ.

ܐܲܚܢܲܢ ܐܝܼܬܠܲܢ ܚܲܝܠܹܐ ܩܵܢܘܿܢܵܝܹܐ ܠܢܛܵܪܵܐ ܐܘܿܣܬܪܵܠܵܝܹܐ ܓܵܘ ܒܘܼܫܵܝܘܼܬܵܐ ܕܒܹܝܡܹܐ ܘܚܘܼܕܪܹܐ ܕܥܲܠ ܐܸܢܬܸܪܢܸܬ ܐܲܝܟܵܐ ܕܐ݉ܢܵܫܹܐ ܟܹܐ ܡܢܲܣܝܼ ܥܒܼܵܕܵܐ ܒܝܼܫܵܐ ܝܲܢ ܚܘܼܙܕܵܓܵܐ.

eSafety ܐܵܦ ܐܝܼܬܠܵܗܿ ܚܘܼܪܙܹܐ ܘܡܲܒܘܼܥܹܐ ܡܲܓܵܢܵܝܹܐ ܕܫܲܝܢܘܼܬܵܐ ܥܲܠ ܐܸܢܬܸܪܢܸܬ.

eSafety ܡܵܨܝܵܐ ܗܲܝܸܪܵܐ ܒܫܝܵܦܬܵܐ ܕܡܠܘܿܐܹܐ ܕܚܒܼܝܼܫܵܬܲܝܗܝ ܚܸܪܒܵܐ ܚܲܙܕܸܓܵܢܹܐ ܝܢܵܐ ܥܲܠ ܐܸܢܬܸܪܢܸܬ.

ܡܠܘܿܐܹܐ ܕܚܒܼܝܼܫܵܬܲܝܗܝ ܚܸܪܒܵܐ ܚܲܙܕܸܓܵܢܹܐ ܝܢܵܐ ܡܵܨܝܵܐ ܕܚܵܒܼܫܝܼ:

• ܓܘܼܡܕܵܢܘܼܬܵܐ (ܡܲܚܙܵܝܬܵܐ ܕܚܲܝܠܵܐ) ܐܸܠܸܟܬܪܘܿܢܵܝܬܵܐ ܕܲܠܩܘܼܒܼܠ ܕܫܲܒܼܪܹܐ
• ܥܒܼܵܕܵܐ ܒܝܼܫܵܐ ܐܸܠܸܟܬܪܘܿܢܵܝܵܐ ܕܲܠܩܘܼܒܼܠ ܕܟܡܝܼܠܹܐ ܒܫܸܢܹܐ
• ܨܘܼܪܝܵܬܹܐ ܝܲܢ ܒܼܝܼܕܝܘܿܝܹܐ ܚܘܼܒܵܢܵܝܹܐ ܥܲܡܝܼܩܹܐ ܫܘܼܪܸܟܹܐ ܕܠܵܐ ܡܩܲܒܠܵܢܘܼܬܵܐ ܕܦܲܪܨܘܿܦܵܐ ܡܘܼܚܙܸܝܵܐ
• ܚܒܼܝܼܫܬܵܐ ܠܵܐ ܩܵܢܘܿܢܵܝܬܵܐ ܘܡܩܘܼܝܸܨܬܵܐ.

ܠܡܲܫܟܘܼܚܹܐ ܕܵܐܟܼܝܼ ܠܥܒܼܵܕܵܐ ܚܲܕ ܬܲܫܪܵܪܵܐ، ܪܚܘܿܫܘܼܢ ܠܫܲܘܦܵܐ: eSafety.gov.au/report

ܐܲܚܬܘܿܢ ܐܵܦ ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܸܠܡܲܬ ܕܬܲܪܓܲܡܬܵܐ ܘܕܦܲܫܲܩܬܵܐ ܥܲܠ ܡܸܢܝܵܢܵܐ 450 131 ܠܛܠܵܒܵܐ ܚܲܕ ܬܲܪܓܡܵܢܵܐ ܩܵܐ ܕܗܲܝܸܪܠܵܘܟܼܘܿܢ ܒܡܲܩܪܲܒܼܬܵܐ ܕܚܲܕ ܬܲܫܪܵܪܵܐ ܩܵܐ eSafety.

ܐܲܚܬܘܿܢ ܐܵܦ ܡܵܨܝܼܬܘܿܢ ܡܲܦܠܸܚܝܼܬܘܿܢ Google Translate ܩܵܐ ܕܩܵܪܝܼܬܘܿܢ ܠܵܗܿ ܐܲܝܵܐ ܦܲܐܬܵܐ ܒܠܸܫܵܢܵܘܟܼܘܿܢ.

ܥܲܠ ܕܐܲܝܵܐ ܦܲܐܬܵܐ:

• What to do if you see distressing content online

Online spaces should be safe for everyone, but you may sometimes come across content that is distressing – especially if it shows extreme violence or acts of terrorism. 

This fact sheet has information about what to do and how to get support if you see online content that is seriously harmful and disturbing.